هكذا أحيت رانيا فريد شوقي ذكرى وفاة الموسيقار سيد درويش

  
أحيت الفنانة رانيا فريد شوقي، ذكرى وفاة الموسيقار سيد درويش، باستعراض مسيرته الفنية وتأثيره الكبير في تاريخ الموسيقى المصرية.

وقالت رانيا فريد شوقي: «النهاردة ذكرى وفاة فنان الشعب سيد درويش، فنان عاش 31 سنة بس، لكن اللي عمله في السنين القليلة دي كان أكبر بكتير من عمره.. مكنش مجرد ملحن سابق عصره، كان فاهم إن الأغنية ممكن تبقى صوت شعب. غنى للحب والفرح، وغنى للعمال والبسطاء، ودخل السياسة والوطن وهموم المجتمع في الأغنية، وخلى الفن يحكي اللي بيحصل في الشارع المصري».

وتابعت: «وفي وقت قصير جدًا، عمل أغاني وألحان سبقت عصرها، وغير شكل الموسيقى المصرية وفتح طريق جديد لأجيال جت بعده. رحل في 15 سبتمبر 1923، لكن أثره عدى عمره بأكتر من قرن. بلادي بلادي بلادي، لكِ حبي وفؤادي».

وأضافت: «يمكن عشان كده لقب فنان الشعب ماكانش مجرد لقب، كان وصفًا لفنان اهتم يسمع نبض بلده، ويحوله موسيقى عايشه للتاريخ».